FAQ/ՀՏՀ - հաճախ տրվող հարցեր

Նմանատիպ նամակներ ստանալու պատճառով ընդհանրացրել ենք հաճախ տրվող հարցերը և պատասխանները: Խնդրում ենք ծանոթանալ դրանց` խնայելով Ձեր և մեր ժամանակը :)

1. Հարց: Կարելի՞ է իմ կամ այլ կայքերից ուղղակի (direct) հղումներ կատարել Network.am կամ download.network.am կայքերում տեղակայված ծարագրերի (կամ այլ) ֆայլերին:
Պատասխան: Ոչ: Արգելվում է Network.am կամ download.network.am կայքում տեղակայված ծարագրերի (կամ այլ) ֆայլերին ուղղակի (direct) հղումներ կատարել: Թույատրվում է օգտագործել միայն ծրագրերի «հաստատուն» հասցեով էջի հղումները, որի մասին կարող եք մանրամասն ծանոթանալ 2-րդ կետում:
2. Հարց: Ինչպե՞ս այլ կայքերից հղումներ կատարել Network.am կայքում ներկայացված ծրագրերին:
Պատասխան: Կայքում ցանկացած ծրագիր ունի իր «հաստատուն» հասցեով էջը՝ անկախ նրանից, թե այդ ծրագրի որ տարբերակն է և երբ է թարմացվել: Օրինակ MozillaFirefox ծրագիրը ներկայացված է www.Network.am/More/MozillaFirefox հղումով էջում (ցանկացած ծրագրի «հաստատուն» հասցեով էջի հղումը ներկայացված է ծրագրի նկարագրությամբ պատուհանի ներքևի աջ անկյունում՝ "Հղում այս ծրագրի էջին այլ կայքերում տեղադրելու համար" անվանումով): Այլ կայքերում հղումներ տեղադրելուց անհրաժեշտ է տեղադրել միայն վերը նշված «հաստատուն» էջի հասցեն (օր.` www.Network.am/More/MozillaFirefox ), այլ ոչ թե ծրագրի ֆայլի ներբեռնման «ուղղակի» հասցեն (օր.` www.Network.am/More/MozillaFirefox/MozillaFirefox3.0.exe): Անիմաստ է տեղադրել ծրագրի ֆայլի ներբեռնման «ուղղակի» հասցեն, քանի որ միևնույնն է կկատարվի վերահասցեավորում դեպի ծրագրի «հաստատուն» էջ, իսկ ծրագրի հաջորդ թարմացումից հետո հղումը ընդհանրապես չի աշխատի: Թույլատրվում է անսահմանափակ քանակությամբ հղումներ կատարել՝ օգտագործելով վերոհիշյալ ծրագրի «հաստատուն» էջի հասցեները:
3. Հարց: Կարելի՞ է իմ կամ այլ կայքերում օգտագործել Network.am կայքում ներկայացված նյութերը (ծրագրերի նկարները, նկարագրությունները, կայքում տեղ գտած այլ նկարներ, տեքստեր և կայքի բովանդակության մաս հանդիսացող այլ տարրեր):
Պատասխան: Ոչ: Արգելվում է Network.am կայքում ներկայացված նյութերը կրկնօրինակել և/կամ այլ կայքերում օգտագործել: Թույատրվում է միայն ծրագրերի «հաստատուն» հասցեով էջի հղումների և RSS-ի տեղադրումը:
4. Հարց: Կայքում ներբեռնման համար «այսինչ» ծրագիրը չե՞ք տեղադրի:
Պատասխան: Կայքում պատվերով/խնդրանքով ծրագրեր չեն տեղադրվում: Կայքում հիմնականում տեղ են գտնում առօրյա օգտագործման համար առաջին անհրաժեշտության, իրենց տեսակի մեջ հաջողված և ազատ տարածման ենթակա ծրագրերը:
5. Հարց: Կայքում ներբեռնման համար MS Windows, MS Office, Adobe Photoshop, CorelDraw, Autodesk AutoCAD, 3ds Max, ... ծրագրերը չե՞ք տեղադրի:
Պատասխան: Կայքում տեղադրվում են միայն ազատ տարածման ենթակա ծրագրերը: Ծանոթացեք կայքում ներկայացված ծրագրերին և ամենայն հավանակությամբ կգտնեք Ձեր փնտրած վճարովի ծրագրին այլընտրանք հանդիսացող, շատ հաճախ իր հնարավորություններով գերազանցող ազատ օգտագործման ենթակա ծրագիր:
6. Հարց: Օգնեք գտնել Ծրագիր / Crack / Դրայվեր:
Պատասխան: Ուրախ կլինեինք օգնել բոլորին, բայց ժամանակի սղության պատճառով ստիպված ենք մերժել:
7. Հարց: Իմ համակարգիչը չի աշխատում, կայքից ներբեռնած ծրագիրը չի աշխատում և/կամ սխալի մասին հաղորդագրություն է տալիս խնդրում եմ օգնել:
Պատասխան: Մենք չենք ժխտում, որ բավական լավ ենք տիրապետում համակարգչին, ուրախ կլինեինք օգնել բոլորին, բայց ժամանակի սղության պատճառով տեխնիկական աջակցմամբ չենք զբաղվում:
8. Հարց: Իմ անձնական կայքի banner-ը կամ հղումը կտեղադրե՞ք Ձեր կայքում:
Պատասխան: Ոչ, այլ կայքերի banner-ներ կամ հղումներ չեն տեղադրվում:

ԶԳՈՒՇԱՑՈՒՄ !
Ուշադրություն: Կայքում տեղադրված բոլոր նյութերը (տեղեկատվությունը, հղումները, նկարները, ֆայլերը, ծրագրերը և այլն) ներկայացված են բացառապես ճանաչողական նկատառումներով: Կայքի հեղինակը, ինչպես նայև կայքը տեղակայող կազմակերպությունը որևէ պատասխանատվություն չեն կրում ցանկացած (այդ թվում նաև անօրինական) գործողությունների համար, որոնք կատարվել են կայքի նյութերի ուղղակի կամ անուղղակի օգատգործումից: Շարունակելով կայքի դիտումը Դուք ինքնաբերաբար ընդունում եք վերը նշված պայմանները: Պայմանների մասնակի կամ ամբողջակական անհամաձայնության դեպքում խնդրում ենք անհապաղ լքել այս կայքը, առանց պարունակությունը դիտելու: Կայքում ներկայացված նյութերի հեղինակային իրավունքը պատկանում է իրենց օրինական իրավատերերին:
Խստիվ արգելվում է առանց կայքի ադմինիստրացիայի համաձայնության և թույլտվության օգտագործել կայքում ներկայացված նյութերը:

IT նորություններ


© 2004-2021 Network.am, Բոլոր իրավունքները վերապահված են | Կայքից օգտվելու պայմանները  π
Կայքի կապուղու տրամադրումը` Arpinet.am | Կայքի սերվերի տեղակայումը` Locator.am