Network.am կայքը անձնական նախաձեռություն է, որը գործում է 2004 թվականից: Նախագիծը ստեղծվել է հայկական համացանցում ծրագրերի ներբեռնման կայքերի բացը լրացնելու համար՝ օգտվողներին հնարավորություն տալով ազատ ներբեռնել առաջին անհրաժեշտության համակարգչային ծրագրերը:

Network.am կայքը տեղակայող սերվերը 2004թ.

Պատմական ակնարկ
2004-2006թթ. Կայքը բավական արագ հանրաճանաչ դարձավ՝ ունենալով հազարավոր այցելուներ։ Իսկ ներբեռնված տեղեկատվության ծավալը կազմում էր Հայաստանի ամբողջ ներքին տրաֆիկի զգալի մասը:

Կայքի պահանջվածության հիմնական գործոններն էին.
• մշտապես թարմացվող և արդի բովանդակություն,
• մեծածավալ և մասնագիտացված վեբ պորտալ,
• ներբեռնման բարձր արագություն և անվճար տրաֆիկ։

Կայքը տեղակայված լինելով հայկական ցանցում ապահովում էր ներբեռնման բարձր արագություն, իսկ օգտվողների զգալի մասի համար անվճար (լոկալ) ինտերնետ տրաֆիկ։ Այդ տարիներին ներբեռնվող 1 մեգաբայթի արժեքը մոտ 30 դրամ էր, մինչդեռ հայկական ցանցից ներբեռնումները հիմնականում անվճար էին և առանց արագության սահմանափակման։

2006թ. Շեշտը դրվեց freeware և opensource ծրագրերի վրա՝ ներկայացնելով քիչ հայտնի, բայց վճարովի տարբերակներին չզիջող այլընտրանքային լուծումներ:

2007թ. Կայքի ներբեռնումների աճող ծավալներին դիմագրավելու համար հայկական ցանցի մի քանի խոշոր ինտերնետ պրովայդեռների մոտ տեղակայվեցին կայքի հայելային տարբերակները, ապահովելով էլ ավելի մեծ հասանելիություն և ներբեռնման բարձր արագություն: Արժանահիշատակ է, որ mirror-ները տեղակայելուց հետո, ըստ մեր տվյալների, կայքն առաջինն ու միակն էր հայկական ցանցում, որ ստեղծել էր բաշխված կոնտենտի լոկալ ենթակառուցվածք (CDN)։ (Սակայն 2009թ.-ին հայկական ցանցի ինտերնետ պրովայդեռների փոխակապակցման արագության բարելավման հետևանքով mirror-ները աննպատակահարմար գտնվեցին և հանվեցին։)

12.05.2008թ. Վերակառուցվեց և գործարկվեց կայքի 3-րդ տարբերակը, կայքը դարձավ հայալեզու, ավելացան փնտրման համակարգը և հարմարավետ նավիգացիան:

17.10.2009թ. Ներդրվեց անտիվիրուսային բազաների և ուտիլիտների ավտոմատ թարմացման համակարգ, որի շնորհիվ թարմացումները կատարվում են ամեն օր:

08.12.2009թ. Կայքում ավելացան on-line գործիքներ` IP որոշում, Password generator:

10.11.2011թ. Ավելացվեց IT նորությունների լրահոս:

16.11.2011թ. Ներդրվեց կայքի թարմացումները RSS-ով հետևելու և այդ տեղեկատվությունը այլ կայքերում հրապարակելու հնարավորությունը:

28.12.2011թ. Վիճակագրություն էջում ավելացվեց կատարված ներբեռնումների մանրամասն վիճակագրություն:

19.01.2012թ. Առաջին անգամ իր պատմության մեջ Network.am կայքից ներբեռնումները հասանելի դարձան հայկական (AM Traffic Exchange) ցանցից դուրս` առանց IP սահմանափակումների:

23.02.2013թ. Ներդրվեց ծրագրերի ավտոմատ թարմացման համակարգ. կայքում տեղ գտած ծրագրերի մեծ մասն այսուհետ ավտոմատ կերպով թարմացվում է ամեն օր:

07.11.2013թ. Կայքի թարմացումների վերաբերյալ տեղեկատվությունը հասանելի է նաև Twitter-ում: (Դադարեցվեց 2023-ից, x.com-ի տեխնիկական փոփոխությունների պատճառով։)

01.01.2014թ. Կատարելագործվեց ծրագրերի ներբեռնման վիճակագրությունը, այսուհետ ներբեռնման հղումներում նշվում է վերջին 30 օրվա ներբեռնումների քանակը և իսկ պատկերվող գրաֆիկը մանրամասն վերլուծության հնարավորություն է ընձեռում:

08.01.2014թ. Կայքում ավելացավ փնտրման արդյունքները ըստ ներբեռնումների քանակի, օգտվողների գնահատման և այբբենական կարգով դասավորելու հնարավորությունը:

15.02.2017թ. Կայքը տեղափոխվեց և տեղակայվեց իր սեփական սերվերում:

14.02.2026թ. Արդիականացվեց կայքը սպասարկող սերվերը։ Անցում կատարվեց Linux ՕՀ-ի ավելի թարմ տարբերակի:

Պահանջվածության անկումը
• 2008թ.-ից սկսվեց ADSL տեխնոլոգիայի տարածումը. ինտերնետ կապը սկսեց մատուցվել ֆիքսված արագությամբ և անսահմանափակ ծավալով։ Մեծ ծավալ կազմող ծրագրերը սկսեցին հասանելի դառնալ օգտվողի համար։
• Ծրագրերում ներդրվեցին ավտոմատ թարմացման մեխանիզմներ, ինչի արդյունքում օգտվողների համար կորավ անհրաժեշտությունը պարբերաբար այցելելու ներբեռնման կայքեր՝ ծրագրերի նոր տարբերակները ձեռքով ներբեռնելու համար։

Մեր օրեր
Network.am-ը շարունակում է գործել՝ մնալով *.am տիրույթում բովանդակությամբ ամենամեծ և պարբերաբար թարմացվող ներբեռնումների կայքը։ Նախագիծը եկամուտների աղբյուր չունի։ Հիմնված է անձնական նախաձեռնության վրա: