OpenProj - նախագծեր ղեկավարելու անվճար և բաց ծրագրային կոդով տարածվող ծրագիր է, այլընտրանք է հանդիսանում MS Project և այդ տիպի այլ կոմերցիոն ծրագրերի համար: Ընդունակ է բացել Microsoft Project և Primavera ծրագրերի ֆայլերը: Ծրագրում առկա են Gantt Charts, Network Diagrams (PERT Charts), WBS և RBS գրաֆիկներն և այլն:

Երկար ժամանակ է ծրագրի նոր տարբերակներ չեն թողարկվում: Ծրագիրը շատ դեպքերում այլևս արդիական չէ: Կայքում ներկայացված է զուտ ճանաչողական նպատակներով:

PNotes - փոքր, անվճար և բաց ծրագրային կոդով տարածվող ծրագիր է՝ «գրանցումներ desktop-ին» շարքից: Թույլատրում է desktop-ին ցանկացած կետում փակցնել թերթիկներ, որոնք Ձեզ կամ համակարգչի այլ օգտագործողներին կտեղեղեկացնեն, կհիշեցնեն, թե ինչ է պետք անել, որտեղ ինչ կա, գտնված կայքերի URL հասցեներ և այլն:

SpeedCrunch - անվճար և բաց ծրագրային կոդով տարածվող բազմաֆունկցիոնալ հզոր հաշվիչ:

Mozilla Sunbird - անվճար և բաց ծրագրային կոդով տարածվող օրացույց և պլանավորող ծրագիր է: Հիմնված է Apple iCal ստանդարտի վրա:

Կայքում ներկայացված է ծրագրի հին 0.9 տարբերակը, որը այլևս արդիական չէ և ներկայացված է զուտ ճանաչողական նպատակներով:
Ծրագիրը վերանվանվել է Lightning Calendar և թողարկվում է որպես Mozilla Thunderbird ծրագրի Add-on:

The Calc - Անվճար բազմաֆունկցիոնալ հզոր հաշվիչ է, ունի ֆիզիկական միավորների փոխարկիչ, ամսաթվերի հաշվիչ և օրացույցերի փոխարկիչ, հանրահաշվական հավասարումների ունիվերսալ լուծող, քիմիական հաշվիչ և ներկցված Մենդելեևի աղյուսակ:
Շնորհիվ բազմաթիվ հնարավորությունների այն հարմար է ամենատարբեր օգտագործողների համար: Ուսանողների կարող է գրավել պրակտիկորեն բոլոր f(x)=0 տիպի հավասարումների ու բարդ քիմիական ռեակցիաների հավասարումների լուծման հնարավորությունը: Հաշվապահներին կարող գրավել ԱԱՀ և հարկրի հաշվարկման, բարդ ֆինանսկան հաշվարկների և այլ հնարավորությունները, ընդ որում հաշվարկները առանձին ֆայլում պահելու (հաշվարկի օրն ու ժամը նշելով) հնարավորությամբ: Բացարձակապես բոլոր օգտագործողներին պետք է որ գրավի տվյալների մուտքագրման բազմաթիվ պարզ հնարավորությունները և այլ նորամուծություններ:
Ծրագրի արտաքին տեսքն ու աշխատանքը կարող եք կազմակերպել Ձեր ճաշակով: Կարող է պատկերվել ընդարձակ և սեղմ տարբերակներով, կարող է հայտնվել և անհետանալ Numlock կամ ցանկացած այլ հարմարեցված ստեղն սեղմելիս: Ծրագիրը կարելի է աշխատացնել թե մկնիկով, թե ստեղնաշարով:
Ծրագիրն աշխատում է առանց տեղակայման: